Never Land

        番到澳門好几日了..呢几日除左係屋企煲碟啊,听歌啊,另外去左interview~~尋日去左AIA interview~~足足in左成大半個鐘,講野講到我口水都干埋~都唔明果個人點解咁鬼多問題要問?!結果係,in成左~本來都係一件唔錯的事,畢竟AIA係大公司啊嘛~不過距要我上埋晒好多course,雖然話係免費遮,但係好晒時間啊嘛,而且仲要考試添,麻麻煩煩咁........so我都係決定唔做啦,听日仲要打番個電話俾果間公司話唔做~唉,到時都唔知點講好.

     唔知點解呢,突然間,對part-time又唔係咁大熱情了.而家竟然有D挂住果個細路,唔知距呢個期假做過D乜野呢~~好好奇...見到距果陣,距肯定又有排講了..^^我而家可以想像到距係度興高采烈咁講距放假的事情果陣時個樣了~~呵.呵.一定好好笑.

    呢兩日係咁係度睇<<新進社員>>.入邊某E君勁搞野啊,其實都好型下的..不過就係搞笑咯....其實咁樣的男仔几好,善良,又有正義感.    我一個人係間房度睇,成日都一邊睇一邊笑.....(好似白痴咁)...而且某E君係男主角,所以我睇果陣都會有D似X痴....哈哈哈....X系乜野呢?俾大家想像啦.

    尋晚,好得閑咁同Annie過拱北,買左經典的<<火鳥>>同埋<<加勒比海盜2>>.仲買左對十字架耳環(之前都say過啦,最近迷上十字架~),另外仲將指甲塗成珍珠白..呵呵.都几好睇ga,再另外,買左個好大個的白色包包________yeah,白色萬歲...點都覺得白色係最好睇的!

      最近重新愛上<<祝我幸福>>    ^_^
     

         昨天很晚才睡,與其說很晚睡,不如說,是今天早上五點多才睡.嗯,睡不著,也不怎么想睡.  就這樣,五點多睡到十一點多.然后起來洗頭,刷牙,洗臉.....然后听到門鈴響,原來是人口統計局的人來了.....接著,做個不算短也不算長的問卷調查..

        一點多,我就出門買面包..吃了吃,就看會電視,然后覺得很困,就躺在客廳的沙發上睡了一會........

        晚上,打開電腦,看我的BLOG,,新的留言嚇了一跳,很長的留言,看得我很感動.感謝親愛的朋友們,你們讓我的心情突然間變好了.我彷彿又看到了一絲陽光.^^

      很多人都不愿長大.當然我也不例外.但我們還是要接受現實,慢慢地成長.哪怕不想長大,也會被逼長大吧.嗯嗯,就好好地等著吧.

    最后,也沒什麼想說的.謝謝我那些親愛的朋友們~~~~~

         wynn macau,就系距令到我一時間無晒信心.尋日下午的interview,唉,兩個字,無言~~

      詳細情形,我而家都唔想多講了.總之入邊d人就係厲害!英文了得!呢一樣我已經無言了.雖然話面試果陣係會即興問問題.但我點會料到距會用英文問我~~~~~措手不及,我簡單咁講左几句...而且我唔知一個星期係要番足48個鐘.每日要番8個鐘,仲話係part-time添,,,如果係full-time咪仲死,唔使訓啦~~~可能係因為我講左距听,開學之后無咁多時間上班~~而俾距一試,我d英文的確唔掂呱,而且我好記得距同我講左句:"Don`t be shy."...................嗯,睇來我的確唔系咁適合做酒店呢一行,更何況我in的職位係greeter.雖然話過兩日通知我,但係估計機會唔大了.而且我都唔係咁想做了,因為怕.

      尋晚Annie來左我屋企坐.同我講起距自己interview果陣的事,距當時都唔使講英文的...(我真係黑仔)...听距講,而家train得好辛苦,日日听鬼咁多英文,而且有d都听唔明....真係唔知講乜好,突然覺得前途一片灰暗.而家讀大學出來,好似都無乜用.人地請你係睇你經驗,如果到處都係睇你有經驗先請你的話,你第一次出來做野果陣點啊??唔請你做,你邊會有經驗呢~~真係好矛盾啊.呢個社會.............

     我而家最想做的一件事,就係努力學好d英文.雖然我上個學期的成績好唔錯,但係學校入邊的理論同出來社會做野果陣用到的真係差太遠了..而家的我,似乎係堅守住校園入邊的成績,而忽視左社會的實踐...或者我真的唔係咁適合酒店呢一行...前几個星期,我係阿姨公司做文員之類的工作,雖然沉悶,但係我依然覺得平凡得來,最重要適合我性格.....而尋日的面試,雖然我唔系話驚,只不過覺得呢種工作,我有種力不從心的感覺.要我面對住面試果個人一直係咁講,我都做不到了..更何況係要我面對住酒店出出入入的客人又笑又講.而且大部份仲係外國人........

     當初如果唔係MUST整唔見左我份報名表的話,我而家應該會係澳大讀緊工商管理了....如果唔係MUST整唔見左我份報名表的話,我就無機會重新選志愿~~就係咁,有時候不得不信命運,當初成日都覺得好好運,無左份報名表, 我可以報左我覺得好新奇的旅遊管理...但而家讀左一年,漸漸發覺,我自己還係適合一個人慢慢咁寫野計數....

     不過現實已經無辦法改變了.唯一可以做的就係適應我而家學緊的專業.

     唔知點解,從尋日開始,我就好想哭.....突然好想變成一只貓仔或狗仔,做人地只寵物算了,食下野,訓下,哄下主人開心..咁樣就乜都唔使諗...

      呢一个癫人对话语录,系真人真事啊.主角系一位弱智小孩跟一位姐姐的对话,内容精彩,不容错失.
友情提示:大家看的同时,一定不要用正常人的心理去看......

(2006-08-20  早上十一点多)
语录开始----

§馅§:我8点半就醒了，不过有得赖床梗要赖下啦，嘎嘎
canvas:噢,你都赖好久喔 
§馅§:呵呵，方你自己一个系澳门吾会
canvas:嘎嘎,当然啦,系澳门就另外一回事了
§馅§:仲话我，哼哼，呵呵
canvas:嘎嘎,你又点同我呢
§馅§:有咩吾同，你性别歧视啊？
canvas:无啊,因为你系阿fat,再训下就会变得更fat...
§馅§:好。。。。有。。。。。道。。。。。。。理。。。。。。。。啊。。。。。
canvas:嘎嘎,我讲的,当然有道理啦
§馅§:无语。。。。。小4都话过啦，有时赖床仲大吸引过做爱啊
canvas:嘎嘎.几时讲过啊.点解我无乜印象呢
§馅§:《梦》里一开始林岚讲的

§馅§:我块面好多毒疮啊
canvas:毒疮????//发张相过来睇下
§馅§:简直就好似用原子弹轰炸月球表面甘啊                                                                                                  canvas:噢 ,,,好厉害哦

canvas:系啦,发我上次同你系来一杯影的果几张相俾我...
§馅§:无速度。。。
canvas:有啦,不过慢到唔系人
§馅§:事实上都吾系人
canvas:呵呵..又是哦..你学到我半成啦
§馅§: 多谢指点。。。

§馅§:睇来我第二春到啦。。。
canvas:嘎嘎,,是啊,,,唔知有无得纵向发展 
§馅§:系啊系啊，你真知我心，哇哈哈
canvas：知你身高遮 ,呵呵
§馅§:发觉我D胡须硬左，哈哈，MAN左喽
canvas:有少少胡须的男仔好MAN伽,我觉得.前提系要留得有型又好睇
§馅§:有型又好睇,我就吾理距MAN吾MAN啦                                                                                                 canvas:嘎嘎,,当然唔系啦...就是因为有型又好睇,先至会变得MAN
§馅§:甘有型你又留啦，嘎嘎
canvas:我无啊,,呵呵..无办法留
§馅§:呵呵，我知啦

§馅§：我变了孙悟空
canvas:??
§馅§:你系唐僧。。。
canvas:然后呢?
§馅§:你讲的话搞到我癜啦
canvas:嘎嘎,,唐僧无将孙悟空整癫啊
§馅§:那是他的功力还不及你
canvas:是啊,,那个当然
§馅§:我死啦
canvas:俾我激死未?
§馅§:死去活来,死去活来的N次方。。                                                                                                              canvas:嘎嘎，掂！无聊的吹水,真happy
§馅§：你就HAPPY得过了。。。。
canvas :我觉得我讲野痴线的时候系好开心的
§馅§：那是心理上的一种发泄
canvas：呵呵。。系咩？
§馅§:系啊，某专家讲的
canvas:未听过啊，，，，，
§馅§:陆大心理博士，哇哈哈
canvas:嘎嘎嘎。。久仰大名啦
§馅§:你好假啊，刚先话未听过。。。

canvas:其实做个痴线的人也未尝不好吧  
§馅§:不嬲都甘讲啦，可以的话边个吾想呢
canvas：嗯嗯，是啊。。你可以扮痴线啊
§馅§:想就去青山啦~~
canvas:青山果度D人又太过痴线了吧
§馅§:你见过啦咩？可能距地日日讲的都系我的讲紧的，哈哈，痴线
canvas:噢，，，又系喔，，更有可能，我地比距地更痴线

canvas:你要吃饭未？少吃点，你就会纵向发展了
§馅§:刚搞掂我块面的清理工作。吾吃边度罗野来发展啊
canvas:  嗯,嘎嘎，也是哦
§馅§:同你讲D痴线话时，我都不甘示弱吧（搞掂块面），哇哈哈
canvas:又学我！！！好大胆啊，，学费啊，你未交俾我啊 

§馅§:慧姨~~~你醒下啦~~~
canvas:醒左啦
canvas:刚才去切哈密瓜..而家用勺子吃紧,嘎嘎
canvas:阿FAT啊,你醒下啦
§馅§:您好，我现在有事不在，一会儿再和您联系
canvas:（打两下！！）
§馅§:耶~~~我醒啦！
§馅§:刚才去切胡须。。。
canvas:果然打多两下,就醒了
§馅§:嘎嘎
canvas:切胡须?你D胡须真系好硬啊
§馅§:呵呵，学你之嘛，其实系黄毛来的
canvas:嗯嗯,,我连黄毛都无啊
 
§馅§:靠。。。
§馅§:我在照镜突然有个人走入来
§馅§:问我
canvas：？
§馅§:饭吃了吗。。。
canvas:嗯，然后呢
§馅§:我说没有。他就走了
§馅§:吓死我啦。。。
canvas:嘎嘎。。距系食鬼来的/
§馅§:吾系啊，人地照镜个样甘骑咧~~~~~
§馅§：等我关门先得，啊
canvas:问你吃饭未。你话未吃，距就觉得你未吃饭无乜肉。。。SO等阵再来问你吃饭未，，你吃了的话，就将你吃了
§馅§：有D甘既鬼噶咩。。。。。
canvas:当然有啦，。
§馅§:系咪你妈细个的时候同你讲的
canvas:唔系啊，我自己刚刚编的
§馅§:吾知3楼跳落去死吾死得呢？！我想死啊~~~~！！！
canvas：应该未死得，嘎嘎，去顶楼啦
§馅§：5楼咋，一阵变植物人仲死
canvas：唔使怕，我来照顾你好了
§馅§:你杀左我吧啦
canvas:唔会的。
§馅§:到时候自杀的力量都无了 
canvas:至多唔俾饭你吃。然后将你养成瘦瘦的陆某。帅帅的
canvas：让你帅帅地过埋下半生
§馅§：好。。。。。提。。。。。。。议。。。。。。。。
§馅§：要接你的话真系呕心沥血啊。。。
canvas：系咩。。同我讲野可以好好锻炼你的思维伽
§馅§：姐姐，我弱智噶！！~~~~

canvas：嗯，，你知唔知，你而家系我部手机入边的名叫乜啊？
§馅§:帅哥
canvas:NO
§馅§：等我谂谂
canvas:嗯，好啊，谂谂啦
§馅§:知了
canvas：？
§馅§:出面好多知了
canvas： 有意思  
§馅§：呵呵。吾知啊
canvas：就是叫—————————————————弱智小孩
§馅§:知了知了知了知了知了知了知了知了知了知了知了知了知了知了知了知了知了知了知了知了知了知了知了知了知了知了知了~~~
canvas：弱智小孩！真系无改错名
§馅§：多谢赐名
canvas：应该的。

canvas:我今晚打算写一篇《疯人对话语录》
§馅§：其实我都有谂法，写《弱智小孩姐姐语录 》
canvas：好啊，齐齐写啦，睇下边个写得好
§馅§：真的，我吾系讲笑的，我真的甘念的。
canvas：我都系真是这样想啊。
§馅§：有竞争先有进步！
§馅§：癜啊~~~~~~~~~~~哈哈

canvas：你吃饭未好快去吃饭啦，，，
§馅§：如果边个见到我地的对话一定会癫了，呵呵
canvas：呵呵，。就是就是
§馅§：我都未搞掂我块面啊。。你吾系话叫我吾好吃咩？呵呵
canvas：噢，，仲以为叫你快D吃饭，，一阵等果只鬼来吃掉你算了
§馅§：呵呵，吃了我边个陪你癫啊
canvas：我思想的另一半就是你，你唔知咩？
canvas：所以，可以自己陪自己痴线。
§馅§：无左另一半就吾平衡了
§馅§：吾所以啊
canvas：嗯，也是哦//在陪你癫的同时，我消灭了一大碗哈密瓜西米露，吃到我牙软
§馅§：顶，你吃哈密瓜定西米露啊
canvas：两样一齐来，哈密瓜在西米露中。。
§馅§：同你癫的同时，我又发现了月球表面上的一大片火山口，“必”到我手软                                  canvas：哗，，活火山定死火山？
canvas：几时发作一次啊?
§馅§：活的，我竭力制止中
canvas：嗯。好啊，，同志（们），辛苦了
§馅§：为人民服务！
canvas：哈哈，，，，，好！值得大家向你学习。
§馅§：呵呵，一睇就知你无军训过了，领导阅兵时会说：“同志们，辛苦了”，我地就话：“为人民服务！”
canvas：是吗？我真系无军训过。。
§馅§：呵呵，你无机会的啦
canvas：（拍掌）你好厉害啊，，你可去军训，顺便变成朱古力~
§馅§：（拍掌）你好厉害啊，，你无得去军训，顺便变成白朱古力 ~
canvas：你唔知咩，我一直系白朱古力，而且白朱古力入边有红酒的
§馅§：甘有内涵？
canvas：系啊。。其实你块黑朱古力入边都有红酒啦，唔系咩？
§馅§：系啊，呵呵。好比喻啊
canvas：呵呵。型 吧！

P.S:大家看完了吧,以上就是呢两位讲的最痴线聊天纪录的精选~~~多谢收看!^^

P.P.S：大家不要以为正在看精神病院病人的对话，其实，这两位是再正常不过的人来的，嘎嘎

在此，弱智小孩也将其聊天内容整理了出来，有兴趣者不妨到以下网站看看，你将会看到更详尽的对话------------http://fat331379823.blogbus.com/logs/2006/08/3097011.html

        上期有奖问答游戏~~敬请留意啦！。。。。嗯，其实答案甘明显，都唔使我讲啦。讲左都嫌浪费我口水！    不过，系度，都系要拍拍手掌，有份参加的朋友仔都答对啦！奖品就系————（我都未谂到！嘎嘎）   至于未有机会参加今次活动的朋友仔，请你地放心，因为呢D活动会陆续有来伽~~

        今日好无聊甘，同阿妈一齐去涂指甲油~~真系好得闲，所以就去做了。。我涂了暗紫色，讲阿fat听，距个死仔竟然话恐怖（系未讲恐怖呢？唔记得了，反正是同义词）~~~迟D，我仲想整D夸张小小的，整个白色来睇下，其实我以前自己无聊果阵都整过白色，不过效果好唔掂~~~

       跟住，就同阿妈去游水啦~~嗯，呢个确实系大件事，事关我阿妈唔识游伽，距突发奇想，竟然好有兴趣甘叫我教距游水~~嗯，，，事实证明左，我阿妈的心境真系好年轻啊，记得以前距仲好钟意睇小四的书添~~~~总之我觉得阿妈开始返乜还乜啦。嘎嘎~好事来伽，好事！

      今日，收到科大寄来的成绩通知书。万幸，分数都几高下，虽然我之前已经上网睇过啦，不过今次系老豆阿妈睇，我当然会心惊惊啦，事关我有一科“酒店管理”得个好低的分数。不过好在，总积分都好高下，差唔多3.3~~~老豆见到，都好开心~~~距开心的同时，我开始担心啦，因为下学期听讲唔系甘好混~~下学期的事，下学期再谂啦。

      我今日同阿妈讲起，我要买对CONVERSE的shoes,话系想叫kris的表姐代买....距听左,就问去边度买.我话深圳.....距竟然同我讲,你自己去买咪得咯.....嘎嘎,估唔到阿妈会甘讲~~~(之前kris问过我去唔去深圳伽.我当初话唔去,因为怕阿妈会话我成日去玩,另外又怕热)....而家阿妈开到口,仲话有时间都唔去玩?!仲叫我唔好成日留系屋企添~~~~oh，我都唔知阿妈几时变成甘样，，，竟然叫我快D出去玩。。。今日我同距的一次对话仲好笑：

 阿妈：你唔去漂流啦？    ////         我：唔去啦~~        ////           阿妈：点解啊？ ////    我：无晒兴趣啦，之前成日唔好天，一时话去，一时又话唔去，好鬼闷啊~索性唔去啦。    ////     阿妈：哦，你仲想去边啊？  ////   我：未谂到啊~都唔知同边个去好~~       ////     阿妈：你谂下想去边啦，稳唔到人同你去，我咪陪你去咯~   ////     我：噢，（心想：哗，厉害的阿妈！） 好啊，等我谂到先啦~~                                    （完）

      对话就系这样，睇来，阿妈真系好想我成日出去玩~~~可惜，我并无甘大的兴趣成日出去玩呢~~~~

     谂住，下个周末同kris去深圳啦，未知系未真的去，不过期待一下啦~~~

           今日下午继续去kris屋企。睇左一D短的节目之外，就用USB copy左上次去Macau的相~~跟住出街买左一D野，分别系条黑色鞋带，一堆橡筋（发觉头发有D长啦），一条十字架银链，仲定左一对十字架耳环。最近有点迷上十字架~~so有以上举动^^

       嗯，而家post几张我地去Macau的相上来。

    呢张好得意伽。我地系对住个窗影的~~~

     呢个女生toilet有必要俾大家睇下，呵呵，好好睇个门口，虽然有D怪，不过都系趁无人的时候按下快门~~~咔！！

       呢D建筑，其实系澳门见得唔少，不过都系觉得好靓~~~

    呢D景，都系黄昏果阵影的，觉得黄昏下的它们特别靓~~~  忽然间谂起一句话：夕阳无限好，只是近黄昏

   天色渐暗~~~呢条桥，我番学果阵，日日番屋企都会经过的~~原来距地夜晚果阵都几靓的~~天好蓝啊！

    last一张啦，到此一游~~~天知道，呢两个系边个，嘎嘎~~~~不过，你甘醒，一定知啦~~~~~~~

      最后，有奖问答：究竟边个系我？？？^^

     The End   （答案下期公布）

        今日系8月18日，从澳门番来的第二日。心情渐渐由系澳门的兴奋变成而家的好正常~~~

       系澳门的五日真系过得快啊，只不过系一眨眼~~~

       番到屋企的呢两日，无乜作为，连屋企门口都无出过，确实系我呢个懒人的作风 HAHA~~but，今日下午我决定左要去kris屋企，继续吱吱喳喳~~顺便讲距知原来某M君真系结左婚的，我无扼距伽，系从某个webside上边见到的。不过，还系有D难以致信呢~~嗯，算啦，有无都好，希望距幸幸福福。

       呢几日，好有冲动买对黑色CONVERSE的皮鞋。。寻日上网见到三对鞋都觉得好好伽，一对系黑皮，一对系白皮，仲有一对系红色反皮。我就几钟意对黑皮的（因为某D原因而钟意啦，不过在此就不便透露啦~）另外，对红色反皮都好好的~阿fat话一睇就好钟意，我怂恿距快D买左距 ^@^

      寻晚阿包来我屋企拿我上个学期做的果份project，话想睇下参考下~~跟住我无意间发现网上有“X-man”做，不过我稳唔到我想睇的部份，最后就睇左少少《哈尔的移动城堡》——之后入房吹水。。。吹水的结论系————前途一片渺茫，女仔最好稳份好工赚好多钱，再唔系就稳个好老公嫁左距~而家呢个社会越来越现实，所以我地都要现实D，唔可以再成日发埋D春秋大梦了。至于一D花痴梦，间唔中都系可以发下伽，嘎嘎~~反正唔会影响我地的生活！ 

       写左甘耐。忽然发觉今日好鬼热。嗯。下午又去kris屋企啦，阿妈同我讲，成日去人地屋企做乜啊！！~~~~~~~~点解成日去距屋企呢？天知道？！呵呵  

         寻晚日记讲到寻晚会睇完电影同“情书”后直接去食早餐呢，结果无甘夸张呢，我地大概睇反转剧睇到凌晨五点甘上下，就决定去训一训了。摊系床上，倾左一阵，bs左一阵反转剧的女主角之后，不知不觉就训着了。。。

         今朝十一点几，我就起身了。实质应该训左几个钟吧，起身之后就开始执野啦，好彩唔系好多野遮，简单一阵间就搞掂。我同kris谂住两三点左右走人，so中午饭以饼干为食粮~~~再加多盒菊花茶，系电脑前继续劲搞笑的“无限挑战”。嘎嘎嘎，笑完一轮，就踏上番屋企的路程咯^^

        系回程的车上，我地一齐听shinhwa D歌。一听到D歌，就会成日谂起果首的MV，特别系首brand new，我地两个鬼甘兴奋，因为果个MV实在太好睇啦，果班人跳舞跳得鬼甘型~~几乎首歌唱到边，我地都知果个画面会出现边个系度跳舞，仲有跳舞的动作。厉害吧，because最近呢几日睇得太多啦。

        最近睇“情书”啊，“夜深万万”，“X-man”呢D节目太多了，所以劲钟意shinhwa~~~特别见到距地系节目上边跳舞果阵，就会觉得----好型！再睇下距地平时好搞野的动作，就觉得距地劲可爱劲搞笑^^特别系Eric,Andy,junjin,dongwan。呢四个人，成日都搞到我同kris笑到抽筋，happying~~~

        shinhwa六个人入边，我梗系最钟意Eric啦^^，最近简直系超爱啦。点讲呢，觉得距型得来，又靓仔，跳舞掂到晕，rap得又劲（人地系美国番来的，当然劲啦），虽然系甘，但系距又好害羞，所以导致距好多时候D举动好可爱~~~最好笑的系，距D思想劲似ET，所以好多人都叫距ET~~竟然甘大个人，好似个细路甘~~仲难以想像的是，距为左吓距同队D团友，有阵可以喱埋间房一个钟，只系为左吓团友果一瞬间！好厉害啊，当然，距成日都做呢D事情，团友都会调转来吓番距，哈哈，我可以想像到距俾人吓番转头果阵会系乜野表情^^仲有啊，点解我会甘钟意距呢，除左lovely,handsome,shy...之外，距唔会好似一D人甘花心伽，听讲距对距女朋友好好，羡慕S人啦，无视一下距个女友。of course，我希望距同Andy一直甘好啦，嘎嘎，见到距地甘好甘开心，我都好鬼happy^_^

                  Eric啊^^

                继续Eric~~~

                  好可爱的Andy同Eric~~~

      见到shinhwa入边个个团友好开心地玩果阵，我就会好钟意了~~~  

      呢兩日,我同阿欣來左澳門.今日已經系第四日啦.

     係呢度,我講下我地的丰功偉績la!!

     第一日,我地中午先出發,大概下午二點左右就來到左珠海,我地一齊去"味千拉面"食左中午果餐之后,就開始係地下商場亂逛,呢個亂逛,事實上係為左穩shinhwa的碟~~~最后,我buy左shinhwa的一張summer story festival 2005,仲有Eric主演的<<新進職員>>,仲有五月天的一場Live~~~跟住,就番澳門啦~~~~番到澳門,坐左一陣間,我地就落樓買野食,掃左一大堆食得的野,有薯片啦,餅乾啦,飲料啦...當然仲有好好飲的E.S.kimo的朱古力奶茶同豬扒包做晚餐^^     跟住成晚就係電腦前面煲碟啦~~~睇完一張又一張,一直睇到凌晨三點左右,我地先番房准備訓覺~~~but,呵呵,我地攤系床上果陣,興致一來,又繼續傾計.....一直一直到第二日朝早的六點鐘,我地先真正打算訓覺~~~

    第二日,我地系在第二日的六點先訓.然之后十二點半起身,執一執,就准備行街啦~~~我地首先去食左云吞面,再飲杯菊蜜~~~行街的呢一日,我最大收穫就系買左兩張碟.都系係"邊度有書"果度買的.一張系stars的set yourself on fire.一張系Jack Johnson的Cwuious George~~都好好听的.阿欣亦買左兩張碟.我覺得距都几興奮^^,因為有d碟距自己穩左好耐的~~我地果日行街,係各間CD鋪都好努力地去穩shinhwa的碟,可惜最后一張都見唔到,都唔知點解會甘~~       我地呢一日晚上,依然好努力甘睇碟....一直睇到凌晨兩點几三點吧,總之呢一晚算系好早就訓啦~~

    第三日,我地呢一日成一點先起身.起身之后,就一齊去食左麥當勞,然之后去買野,買左一大堆,好多都係人地叫我地幫手買的...買緊果陣,我地突發奇想,打算星期三先至走,于是我地就買左一大堆食的野留番星期二係屋企煲碟果陣食用的^^     我地呢一日的下午去左八佰伴同埋漁人碼頭.買左個好靚的杯.(送人生日禮物的)     另外影左一d相...........but暫時未放在電腦.得閑再show出來啦~~    呢一晚,我地好痴線下,竟然到左第四日(即系今日)的早上七點几先訓覺~~嗯,無言況~~~估計每個人見到我地甘樣,一定亦會好無言...哈哈.....

    第四日,即系今日啦,我地訓左五個鐘甘上下,大概十二點几就起身啦,唔知點解,訓得唔多,仲好鬼精神.綜合我地每晚傾計的內容,不外乎靚仔,電影,音樂,同埋一D生活在我地身邊的八卦野~~嗯嗯,我都唔知原來我地已經講左甘鬼耐,每次傾到甘上下,想去toilet的時候,開門睇下,先發覺外邊一片光明啦~~去完toilet之后繼續奮戰.呵呵........            今日我地起身之后,繼續"情書"等等~~~笑完一大輪之后,食野再笑過.

      而家系晚上的10:38,我一邊開住電腦,一邊開住出邊部電視等shinhwa的出現^^,熱切期待中.   估計今晚我地會再接再厲,听日直接起身食早餐算啦~~~

       听日諗住番去啦......到時再同大家講我地係澳門睇過乜野精彩節目啦^_^

      今日晚上终于可以好好地休息下啦,番左一个星期工,虽然工作简单,但都有点疲倦.终于未使番住啦.

      听日,我会训到醒为止,然后就同阿欣去澳门啦~~好耐未番去了,唔知屋企变成点呢?!

      听日,阿fat就会飞番去北京了.好快啊,成个暑假都未见到几次面,甘快就要番去了~~~~~

      so,今晚我打电话俾阿fat,同距倾下计.系我印象当中,我似乎好少同距倾过电话,message or QQ占多~虽然同距少倾电话,但系甘多朋友入边,反而同距的联系算系好多果个了.嗯,因为唔系成日见到面,所以有阵觉得熟悉又陌生.大家的事,都比较了解吧,起码知道都几多野.识到呢个朋友,真系好好,当然,同距一齐倾计呀之类的好开心~~可能系有D事情上,我地的观点比较似,所以好好倾~~~记得我地开始真正熟悉果阵都系因为倾计倾耐左,后来渐渐发觉原来我地真系好好倾,乜都可以讲...

     阿fat讲笑甘讲过"我地相逢恨晚"~~我觉得既然做得好朋友,就唔会晚吧.起码我地仲有大把时间俾我地一齐倾计吹水^^  开心啊~~~~

    好好笑，阿fat话我讲电话果阵死唔断气，呵呵，仲话好似无乜气，就死甘，嘎嘎~~~有咩？！虽然我知自己讲电话果阵会好细声，可以省点气，但应该未至于就S甘吧~~~~仲有好笑的，我一度觉得阿fat个头好大，呵呵，不过距寻晚都俾距老豆捉左去剪头发~~~唔知变成点呢？距自己就话剪成以前最好睇果个发型，嗯嗯，暂且信住先^^

      圣诞节，就去北京啦，到时阿fat同她就会陪我玩啦，爽~~~阿fat呢个全年考第一的好学生都要逃课先得啦！

   无野讲了，阿fat一路顺风，唔使担心飞机会跌落来，嘎嘎~~因为你系个好男仔，个天唔会俾你过唔到下半世的^^